வசுமித்ர
அப்படித்தான் இருக்கிறது
பத்திரிகையாளர்கள்
அமைதியாக இருக்கும்போது
நாடு
தன் நிர்வாணத்தை
அமைதி நிரம்பிய
எள்ளலுடன் ஒருமுறை கவனித்துக்கொள்கிறது
உண்மையில்
பத்திரிகையாளர்கள்
நாட்டின்
குடிமக்களுக்கு
உள்ளது உள்ளபடி
மிகநேர்த்தியாக இல்லாவிடினும்
அசிங்கமாவாவது அதனைக்
குடிமக்களுக்கு காட்டிக்கொடுக்க வேண்டும்
மாறாக
அவர்கள் விளம்பரம் செய்கிறார்கள்
விளம்பரம்
மக்களை
அவர்கள்
விரும்பவியலாதவாறு
வெறுக்க வெறுக்க
வன்புணர்ச்சி செய்கின்றது
பத்திரிகையாளர்களோ
காகிதங்களில்
வசந்தங்களை இசைத்துக்கொண்டிருக்கின்றனர்
அறியமுடியாத துப்பாக்கிகளின் வர்ணணையை
ஆட்சியாளர்கள்
செய்திகளில் ஒளிபரப்பிக் கொண்டிருக்கிறார்கள்
ஆண்களின் இறுகிய பிருஷ்டமும்
பெண்களின்
தேர்ந்தெடுக்கப்பட்ட
நளினமான சதையும்
குடிமக்களுக்கு காட்டப்படும்போது
அரசியல்வாதிகள்
அதிகாரத்தை கைப்பற்றுகின்றனர்
பத்திரிகையளர்கள் மௌனமாக இருக்கும் நாடு
இனி உருப்படப்போவதில்லை
ஆம்
மக்கள்
நிர்வாணத்தை எப்பொழுதும்
கொண்டாடிக் கொண்டிருக்கப்போவதில்லை
நிர்வாணம் என்பது அரசின் தத்துவார்த்தச் சொல்
அம்மணம் என்பதே
மக்களின் சொல்லாக இருக்கிறது
நிர்வாணமாக இருப்பதென்பது
அரசியல்வாதிகளுக்கு உகந்ததாக இருக்கையில்
அம்மணத்தை மக்கள் வெறுக்கும்படி செய்கிறார்கள்
குழந்தைகளின் அம்மணத்தை கேலி செய்கிறது
நடிகைகளின் நிர்வாணங்கள்
நிர்வாணத்தில் நாகரிகம் செலுத்தப்படுகையில்
அம்மணத்தில் பசி தன் விகாரத்தை காண்பிக்கிறது
மக்கள்
அமைதியாய் இருக்கின்றனர்
சொல்லமுடியாத வார்த்தைகளை
திறக்க முடியாத உதடுகளால் கடித்து மென்றபடி
அம்மணக் குருதி
கசியும் வரை
மக்கள்
அமைதியாய் இருக்கின்றனர்
மக்கள்
எப்பொழுதும் இப்படியே இருக்கப்போவதில்லை
கசியும் குருதியில்
ஆட்சியாளர்களுக்கான வெடிகுண்டின்
கந்தகவாசனையை அறிந்து கொண்டிருக்கிறான்
கவிஞன்
அவன் நாசி எப்பொழுதும் மக்களை நோக்கியே
இருக்கவேண்டும் என்பதால்
அப்படியாகவே கவிஞன்
தன்னை உற்பத்தி செய்து கொள்கிறான்
பத்திரிகையாளர்களுக்கு
தகவல்கள் இருக்கிறது
செய்திகள் இருக்கிறது
உண்மையில்
அழும்
குமுறும்
நெஞ்சில் அடித்துக் கதறும்
பத்திரிகையாளனே நாட்டுக்கு தேவை
பத்திரிகைகள் பொய் சொல்லுகையில்
பத்திரிகையாளன் தலைகுனிகிறான்
வரலாறு மிகுந்த வன்மத்துடன் அவனை கடந்து செல்கிறது
பத்திரிகைகளுக்கு தெரியாத
பத்திரிகையாளன்
அல்லது கவிஞனுக்கு தெரியும்
உண்மையில்
பசித்த மக்கள்
உணவை உற்பத்தி செய்வதை விட வெடிகுண்டுகளை
உற்பத்தி செய்யவே விரும்புவார்கள்
பசி
வெடிகுண்டுகளின் புன்னகையைத் தயாரித்துவிடுகிறது
மக்கள்
புன்னகை செய்யும்போது
அரசு மௌனமாகிறது
நன்றி : http://makalneya.blogspot.com/
அப்படித்தான் இருக்கிறது
பத்திரிகையாளர்கள்
அமைதியாக இருக்கும்போது
நாடு
தன் நிர்வாணத்தை
அமைதி நிரம்பிய
எள்ளலுடன் ஒருமுறை கவனித்துக்கொள்கிறது
உண்மையில்
பத்திரிகையாளர்கள்
நாட்டின்
குடிமக்களுக்கு
உள்ளது உள்ளபடி
மிகநேர்த்தியாக இல்லாவிடினும்
அசிங்கமாவாவது அதனைக்
குடிமக்களுக்கு காட்டிக்கொடுக்க வேண்டும்
மாறாக
அவர்கள் விளம்பரம் செய்கிறார்கள்
விளம்பரம்
மக்களை
அவர்கள்
விரும்பவியலாதவாறு
வெறுக்க வெறுக்க
வன்புணர்ச்சி செய்கின்றது
பத்திரிகையாளர்களோ
காகிதங்களில்
வசந்தங்களை இசைத்துக்கொண்டிருக்கின்றனர்
அறியமுடியாத துப்பாக்கிகளின் வர்ணணையை
ஆட்சியாளர்கள்
செய்திகளில் ஒளிபரப்பிக் கொண்டிருக்கிறார்கள்
ஆண்களின் இறுகிய பிருஷ்டமும்
பெண்களின்
தேர்ந்தெடுக்கப்பட்ட
நளினமான சதையும்
குடிமக்களுக்கு காட்டப்படும்போது
அரசியல்வாதிகள்
அதிகாரத்தை கைப்பற்றுகின்றனர்
பத்திரிகையளர்கள் மௌனமாக இருக்கும் நாடு
இனி உருப்படப்போவதில்லை
ஆம்
மக்கள்
நிர்வாணத்தை எப்பொழுதும்
கொண்டாடிக் கொண்டிருக்கப்போவதில்லை
நிர்வாணம் என்பது அரசின் தத்துவார்த்தச் சொல்
அம்மணம் என்பதே
மக்களின் சொல்லாக இருக்கிறது
நிர்வாணமாக இருப்பதென்பது
அரசியல்வாதிகளுக்கு உகந்ததாக இருக்கையில்
அம்மணத்தை மக்கள் வெறுக்கும்படி செய்கிறார்கள்
குழந்தைகளின் அம்மணத்தை கேலி செய்கிறது
நடிகைகளின் நிர்வாணங்கள்
நிர்வாணத்தில் நாகரிகம் செலுத்தப்படுகையில்
அம்மணத்தில் பசி தன் விகாரத்தை காண்பிக்கிறது
மக்கள்
அமைதியாய் இருக்கின்றனர்
சொல்லமுடியாத வார்த்தைகளை
திறக்க முடியாத உதடுகளால் கடித்து மென்றபடி
அம்மணக் குருதி
கசியும் வரை
மக்கள்
அமைதியாய் இருக்கின்றனர்
மக்கள்
எப்பொழுதும் இப்படியே இருக்கப்போவதில்லை
கசியும் குருதியில்
ஆட்சியாளர்களுக்கான வெடிகுண்டின்
கந்தகவாசனையை அறிந்து கொண்டிருக்கிறான்
கவிஞன்
அவன் நாசி எப்பொழுதும் மக்களை நோக்கியே
இருக்கவேண்டும் என்பதால்
அப்படியாகவே கவிஞன்
தன்னை உற்பத்தி செய்து கொள்கிறான்
பத்திரிகையாளர்களுக்கு
தகவல்கள் இருக்கிறது
செய்திகள் இருக்கிறது
உண்மையில்
அழும்
குமுறும்
நெஞ்சில் அடித்துக் கதறும்
பத்திரிகையாளனே நாட்டுக்கு தேவை
பத்திரிகைகள் பொய் சொல்லுகையில்
பத்திரிகையாளன் தலைகுனிகிறான்
வரலாறு மிகுந்த வன்மத்துடன் அவனை கடந்து செல்கிறது
பத்திரிகைகளுக்கு தெரியாத
பத்திரிகையாளன்
அல்லது கவிஞனுக்கு தெரியும்
உண்மையில்
பசித்த மக்கள்
உணவை உற்பத்தி செய்வதை விட வெடிகுண்டுகளை
உற்பத்தி செய்யவே விரும்புவார்கள்
பசி
வெடிகுண்டுகளின் புன்னகையைத் தயாரித்துவிடுகிறது
மக்கள்
புன்னகை செய்யும்போது
அரசு மௌனமாகிறது
நன்றி : http://makalneya.blogspot.com/
