1
அவரவர்க்கிடையே
ஒரு துண்டு ஆகாயம்
கிழிந்து தொங்குகிறது.
பற்றிக் கொள்ளத்தான்
மனசில்லை.
3
வழி நடத்தும் தூரத்தில் நீ
வழி தெரியாமல் நான்
கேட்காமலேயே திரும்பி விட்டேன்.
4
நீ நீயாக
நான் நானாக
நாம் நாமாக
நான் நீயாக
நீ நானாக
நாம் வேறாக
5
முதன் முதல்
எதன் முதலாய்
நாம்.
6
இருள் வழிப்பாதை
தனிமைப் பயணம்
தூரத்தில் மனிதன்
சின்னஞ்சிறு சிகரெட் நெருப்பாய்.
7
விலை மதிப்பற்றது சுதந்திரம்.
சொல்கிறார்கள்
நகைக்கடை முதலாளிகள்.
8
குகைக்கால தனிமை
கிலுகிலுப்பை பூக்காத காலம்
சிரிப்பே உதிராத நாட்கள்.
9
கடற்கரை மணலில்
நீண்டு கிடந்த நிழல்கள்
ஒன்றை ஒன்று
புணர்ந்து கொண்டிருந்தன.
மாலை நேர சூரியன்
விழித்திருந்து
பார்த்துக் கொண்டிருந்தான்.
10
இருள் பூசிய வானம்
சல்லடைக் கண்கள்
நட்சத்திரங்கள்.
11
ரயிலின் கடைசிப்பெட்டி
யாரோ சிலர்
என் முக வெளிச்சத்தில்
முகம் மினுக்கி மறைந்தார்கள்.
12
அந்த வண்டிச் சக்கரமும்
நிற்காமல்
ஓடிக்கொண்டு தானிருக்கிறது
சிலுக்கு
13
கட்சியில் இருந்தபோது
தேனொழுக கூப்பிடுவார்கள்
செங்கொடி அப்...பூ....
விலகி வந்த பிறகு சொன்னார்கள்
பெயரில் என்ன இருக்கிறது.
14
அகதிகள்
எல்லைக் கோடுகளால்
துரத்தப்படுபவர்கள்
கைவிடப்பட்டவர்கள்
ஆனால்
பாக்கியவான்களல்ல.
15
அன்னா ஹசாரே
கோட்பாடில்லாத நடைமுறை
காதறுந்த ஊசிக்கு ஒப்பானது
கவைக்கும் உதவாது
16
சிவகாசி பட்டாசும் தீபாவளி புஸ்வாணமும்
பிஞ்சுக் கரங்களில்
நஞ்சை தடவினோம்.
தேசமே
கொண்டாட்டமாக எரிந்தது.
17
தன்னார்வ தொண்டு நிறுவனங்கள்
கொழு கொம்பை
தேடியபோது
பற்றிக்கொள்ள கிடைத்த
சிறு கோடு.
18
இந்த தேசம் என்னதில்ல.
சொன்னதுக்கே கோவப்பட்டியே
முதல்ல இந்த தேசம்
உன்னதில்லடா.
19
கொஞ்சம் மேல வந்ததும்
சேரிப்பக்கம் வேணாமின்னு
ஊருபக்கம் ஒதுங்கிட்டான்.
இன்ன வரைக்கும்
ஒதுங்கியே கிடக்குறான்.
20
எல்லோரும் சரி சமமாம்
செருப்பாலடி
பாப்பாபட்டிய கீரிப்பட்டிய
ஒரு தரம் நெனச்சி.
21
கடவுள்களை அகற்றிவிட்டு
அந்த இடத்தில்
மனிதர்களை வைத்தோம்
முதன்முதலாய் பயம் வந்தது.
22
அருவி கான் அழகு
மலை முகட்டின்
ஏதோ ஒரு பிளவிலிருந்து
வெளிப்படும் நீர்.
சிற்றோடையாய் பயணித்து
எங்கெங்கோ முட்டி மோதி சிதறி
பின் ஒன்று சேர்ந்து
சின்னதொரு ஓடையாக பரிணமிக்கும்.
மழைச்சரிவின்
கீழிருந்து விழும்
சாரல்கள் அனைத்தும்
பனித்தூவலாக
மையம் கொண்ட பின்
பெரியதொரு திட்டாக
நீர் தேங்கும்.
அதனுள் தெரியும்
அழகான
சிறிய பெரிய கூழாங்கற்களும்.
கற் குவியல்களுக்கிடையே
துள்ளி துள்ளி விளையாடும்
குட்டி குட்டியான மீன்களும்.
வாழ்வின்
அந்த கணப்பொழுதில் மட்டும்
சின்னதாய் ஒரு மாயாஜாலம்
வந்து ஒட்டிக்கொள்ளும்.
23
இந்தி..யா...ஆ...ஒளிரு...தாம்...
தின்னியத்துல மலம்
தலித்துக்களோட வாய் என்ன
இந்தியாவோட கழிப்பிடமா ?
இந்தியா ஒளிர்கிறதாம் !
எவண்டா சொன்னான்
ஒளிர்கிற ஒவ்வொரு மூஞ்சிலயும்
வழிச்சி அடி.
அப்ப தெரியும்
இந்தியா ஒளிருதா ?
இல்ல நாறுதான்னு ?
( கொடுத்த பணத்தை திருப்பிக்கேட்ட தலித்தோட வாயில மலத்த திணிச்ச மே சாதி திமிரின் அடையாளம் - இந்தியாவில் தலித்துகளுக்கெதிராக தினம் தினம் நடந்தேறும் அவல உதாரணம் : தின்னியம் சம்பவம் )
24
உருளைக்கிழங்கின் தோலை சீவிக் கொண்டேயிருக்கும் பெண்
சோகங்களிலும்
துயரமான எமது இருப்பு
உங்களின்
வக்கிரமான அளவுகோல்களின் மூலம்
ஒரு நாளும்
உணரப்படப் போவதில்லை.
25
29
அகதிகள்
எல்லைக்கோடுகளால் துரத்தப்படுபவர்கள்
கைவிடப்பட்டவர்கள்
ஆனால் பாக்கியவான்களல்ல
30
பிரபஞ்சத்தை
பிரேத பரிசோதனை
செய்ய நினைத்தபோது
ஆபத்பாந்தனாக வந்து நின்றது
அறிவியல்
31
அறிவியல் அறிஞர்கள்
பூமியை
கடவுளின் பிடியிலிருந்து
விடுவித்தவர்கள்
32
கவிதைகள் தெருக்களை
ஆட்சி செய்தபோது – அங்கே
இயல்களும் இஸங்களும் தத்துவங்களும் பிறந்தன
33
உபரியின் மதிப்பை
உற்பத்தி உறவுகளில் காட்டியவர்
காரல் மார்க்ஸ்
34
காந்தி பிறந்த மண்
காவிப்படையால் ரத்தம் சுமந்தது
குஜராத் கலவரம்
35
நல்லது நினைத்தோம்
நாலும் நடந்தது
காதலர் தினம்
36
கிரிக்கெட் ஏலியன்
பூமிக்கு வந்தபோது
மண்ணின் விளையாட்டுகள்
மாயமாய் மறைந்தது
37
குழந்தையும் தெய்வமும் பிரிந்தபோது
குழந்தை தொழிலாளர்கள்
பரிணமித்தார்கள்
38
கானா பாடல்
வார்த்தைகளில் இசை கலந்து
வாழ்க்கையை அலங்கரித்தோம்
39
ஏகாதிபத்தியத்தின் காலடிக்காக
காத்திருக்கும் கன்னிவெடி
கொரில்லா போர்
40
காவிப்போர்வையின் காலடியில்
வீழ்ந்தது கிடக்கிறது உலகம்
சங்கராச்சாரி
41
சொர்க்கம் கலைந்த கனவில்
நாமே உருவாக்கிய நரகம்
சூழலியல் மாசுபாடு
42
மனித மூளை
மறைகழன்றபோது
சாமியார்கள் அவதரித்தார்கள்
43
பிரிவினையின் வலியை
எழுத்தில் உணர்த்தியவர்
சாதத் ஹசன் மாண்டோ
44
நாவை நாகரிகப்படுத்தினோம்
உண்ணும் முறையில்
அதிசயம் பல நிகழ்ந்தது
சமையலதிகாரம்
45
கம்யூனிசம்
இலக்கியத்தை வழிமறித்தபோது
சோஷலிச யதார்த்தவாதம் பிறந்தது
46
அரசின் தயவில்
கல்வி கடைச்சரக்கானது
தனியார் கல்வி
47
கொழுகொம்பை தேடியபோது
பற்றிக்கொள்ள கிடைத்த சிறுகோடு
தன்னார்வ தொண்டு நிறுவனங்கள்
48
அந்நியமாதலின் மூலம் மனிதம்
தமக்கான சவப்பெட்டியை தேடிக்கொண்டது
தற்கொலை அரசியல்
49
தீண்டப்படாதவர்களின் வாழ்வியல்
இலக்கியமானது
தலித்தியம்
50
சுவற்றில் வீசப்பட்ட பந்து
ஆபரேஷன் வெற்றி
நோயாளி தான் பிழைக்கவில்லை
நீதித்துறை
51
இயற்கை மனிதனை அசைத்துப்
பார்த்தபோதுஅங்கு நடனம் பிறந்தது
52
தனியுடமைக்கு எதிராக
கம்யூனிசத்தின் துப்பாக்கியம்
நக்சலிசம்
53
ஏகாதிபத்தியத்தின் கண்ணிகளை
எழுத்தில் வடித்தவர்
நோம் சோம்ஸ்கி
54
அணைகளுக்கான திட்டத்தில்
அகதிகள் உருவான அவலம்
நர்மதா போராட்டம்
55
திரிசூலத்தின் பிடியில்
இறுகியது இந்தியா
பாபர் மசூதி இடிப்பு
56
தமிழ் மக்களுக்கு
ஒரு வரலாற்று திறவுகோல்
பெரியாரியம்
57
வாழ்வின் கொண்டாட்டம்
வன்முறையானபோது
போதை மருந்துகள்
உலகை ஆளத் துவங்கியது
58
இந்தியாவின் முதுகெலும்பை
அரசே முறித்துப் போட்டது
பசுமைப் புரட்சி
59
அந்நிய ஆலையின் வழியே
அதிகாலையில் மரணம் கதவைத் தட்டியது
போபால்
60
குளிர்பானங்களின் கதையால்
உலகமே மூத்திரமயமானது
பெப்சி-கோகோகோலா
61
அரசதிகாரத்தின் மீதான
மாயாவாத எழுத்துப்போர்
மேஜிக்கல் ரியலிஸம்
62
என் பாலை நானே தேர்ந்தெடுப்பேன்
அதை அடுத்தவரிடம்
பிச்சை கேட்பது
என் தன்மானத்திற்கு எதிரானது
மாற்றுப் பாலியலாளர்கள்
63
கோவணம் கட்டிய ஊரில்
வேட்டி கட்ட நினைத்தோம்
மாற்றுக் கலாச்சாரம்
64
நகர்களின்உருவாக்கத்துக்கு பின்னால்
உள்ள கைகள் அனைத்தும்
எங்கள் கைகள்
உங்கள் பார்வையில்
லும்பன்ஸ் கைகள்
65
நூற்றாண்டு கலாச்சாரம்
நொடியில் மறைந்த அவலம்
வளர்ச்சியின் அரசியல்
66
சட்டம்
சாமானியனுக்கு சொந்தமானது
அம்பேத்காரியம்
No comments:
Post a Comment